Insisterande, melodiøs og vilt feit rock på morsmålet er ord brukt for å skildre Erlend Ropstad sitt musikalske univers. Sørlendingen slo for alvor igjennom i 2017 med plata Alt som har hendt. Ropstad mottok Prøysenprisen i 2019, og hans nyaste plate Brenn siste brevet frå 2019 er nominert til Spellemannsprisen i kategorien rock.

Kari Bremnes har gjennom 30 år etablert seg som ein av landets fremste songlyrikar. Tekstforfattaren, melodiskaparen og songaren frå Lofoten er kjend for sitt nære og livsbeskrivande tekstunivers, ofte i ei melankolsk og nordvendt stemning. Det er fyrste gong Bremnes gjestar Ulvik og Poesifestivalen.